सात हजारांची लाच घेताना साक्रीतील सहाय्यक कृषी अधिकारी व डाटा एन्ट्री ऑपरेटर एसीबीच्या जाळ्यात

 

धुळे:  प्रधानमंत्री किसान सन्मान निधी योजना आणि नमो शेतकरी महासन्मान योजनेचे अनुदान जमा करण्याच्या मोबदल्यात 10 हजार रुपयांची लाच मागून 7 हजारांवर तडजोड करणारे सहाय्यक कृषी अधिकारी आणि कंत्राटी डाटा एन्ट्री ऑपरेटर एसीबीच्या सापळ्यात अडकले. ही कारवाई सोमवारी रात्री साक्री येथे धुळे लाचलुचपत प्रतिबंधक विभागाने केली.

—

अटक झालेले आरोपी

मन्सीराम कळशीराम चौरे (45, जेबापूर रोड, पिंपळनेर, ता. साक्री) – सहाय्यक कृषी अधिकारी

रिजवान रफिक शेख (23, पोळा चौक, साक्री, जि. धुळे) – कंत्राटी डाटा एन्ट्री ऑपरेटर

 

—

कारवाईचा तपशील

तक्रारदाराच्या नावावर पन्हाळीपाडा (ता. साक्री) येथे शेतजमीन असून त्या जमिनीवर शेतकरी अनुदान जमा झाले होते. त्याबदल्यात आरोपींनी 10 हजार रुपयांची लाच मागितली. तक्रारदाराने धुळे एसीबीकडे तक्रार दाखल केली. पडताळणी करून सापळा रचला असता, दोन्ही आरोपींना कार्यालयात लाच स्वीकारताना रंगेहात पकडले.

—

एसीबीचे डॅशिंग पथक

ही कारवाई पोलिस उपअधीक्षक सचिन साळुंखे यांच्या मार्गदर्शनाखाली करण्यात आली.
पथकात पोलिस निरीक्षक पद्मावती कलाल, यशवंत बोरसे, हवालदार राजन कदम, मुकेश अहिरे, प्रवीण मोरे, संतोष पावरा, कॉन्स्टेबल मकरंद पाटील, रामदास बारेला, प्रवीण पाटील, सागर शिर्के, प्रीतेश चौधरी, रेशा परदेशी, सुधीर मोरे, जगदीश बडगुजर आदींचा समावेश होता.

—

धुळे जिल्ह्यात एसीबीकडून सातत्याने धडक कारवाई सुरू असून लाचखोरांमध्ये भीतीचे वातावरण आहे. तर सर्वसामान्य जनतेतून या कारवाईचे स्वागत केले जात आहे.

About the Author

Editor Next Maharashtra

Editor

Next महाराष्ट्र हे एक स्वायत्त, निष्पक्ष आणि जबाबदार मराठी डिजिटल न्यूज पोर्टल आहे. आमचे ध्येय वाचकांना ताज्या, अचूक आणि सखोल बातम्या पोहोचवणे आहे – तेही प्रामाणिक, पारदर्शक आणि निःपक्ष वृत्तांकनाच्या तत्त्वांवर आधारित. आम्ही स्थानिक, राज्यस्तरीय, राष्ट्रीय तसेच आंतरराष्ट्रीय घडामोडी, राजकारण, समाज, शिक्षण, अर्थव्यवस्था, क्रीडा, संस्कृती, आणि तंत्रज्ञान या विविध क्षेत्रांतील महत्त्वाच्या बातम्या, लेख, विश्लेषण आणि विशेष मुलाखती वाचकांपर्यंत पोहोचवतो. Next महाराष्ट्र मध्ये प्रकाशित होणाऱ्या प्रत्येक बातमीचे स्त्रोत सत्यापित असतात आणि संपादकीय पातळीवर तपासूनच त्या प्रसिद्ध केल्या जातात. आम्ही वाचकांच्या विश्वासाला तडा जाऊ नये, यासाठी फेक न्यूज, दिशाभूल करणारी माहिती आणि भडकाऊ मजकूर टाळण्याचा कटाक्ष ठेवतो. आमच्या टीममध्ये अनुभवी पत्रकार, रिपोर्टर्स, फोटोग्राफर्स आणि तांत्रिक तज्ज्ञ आहेत, जे डिजिटल पत्रकारितेतील नवीनतम ट्रेंड्स आणि साधनांचा वापर करून वाचकांना सर्वोत्तम माहिती देण्याचा प्रयत्न करतात. 📌 ध्येयवाक्य: "नवा विचार, नवा प्रवाह" – बदलत्या महाराष्ट्राचा आरसा. -------- संपर्क माहिती ईमेल: editor@nextmaharashtra.com फोन: +919823448544 पत्ता: [जळगाव ] सोशल मीडिया: [Facebook, Twitter, Instagram लिंक्स]

View All Posts