धुळे : साधूच्या वेशातील दरोडेखोर पोलिसांच्या जाळ्यात

धुळे: येथील मोहाडी पोलिसांनी साधूच्या वेशातील दरोडेखोरांच्या टोळीला अटक केली आहे. पाचही आरोपींनी प्रवाशांना रस्त्यात अडवून चाकूचा धाक दाखवत लूट केल्याने ही कारवाई करण्यात आली.

तक्रारदारललिता नरेंद्र पाटील (28, रा.खाचणे, ता.चोपडा, जि.जळगाव) या 21 रोजी नातलगांसह पंढरपूर, तुळजापूर व जेजुरी येथे देवदर्शन करून परतत अतसताना क्रूझर गाडी (एम.एच.18 जे.
9563) ही लळींग घाट परिसरात आल्यानंतर साधूचा वेष धारण केलेल्या भामट्याने गाडी समोर येत ‘मुझे पिनेके लिये पाणी दो, और गाडीसे उतरकर मेरा आशिर्वाद लो’ म्हणत सर्व प्रवाशांना गाडीतून उतरवले. प्रवाशांनी साधूचा सन्मान करीत पाय धरले मात्र याचवेळी साधूने कमरेला चाकू बाहेर काढला व ‘आप के पास का सोना जल्दी निकालके दो, नहीं तो जान से मार दूंगा’ अशी धमकी देत प्रवाशांना धाक दाखवला. तक्रारदाराच्या आई सुनंदाबाई व चुलत सासू सरलाबाई यांच्याकडील दागिने हिसकावून घेण्यात आले.

आरोपींनी सात ग्रॅम सोन्याची मणी व रामपानाची माळ, तीन ग्रॅम सोन्याचे कानातील टॉप्स, पाच ग्रॅम सोन्याची मणीमाळ असा एकूण एक लाख पाच हजारांचा ऐवज लूटला. त्यानंतर 24 ऑगस्ट रोजी मोहाडी पोलिसात गुन्हा दाखल करण्यात आला.

साधूच्या वेशातील दरोडेखोरांना बेड्या
पोलिसांनी अवघ्या काही तासात तपासचक्र फिरवत सोमवार, 25 ऑगस्ट रोजी सकाळी 9 वाजता गरताडबारी परिसरातून संशयित जागीरनाथ बाबुनाथ नाथसफेरे (23, रा.घेसुपुरा सफेरा बस्ती, ता. रोशनाबाद, जि. हरिद्वार, उत्तराखंड) याच्या मुसक्या बांधल्यानंतर त्यानेी गुन्ह्याची कबुली देत साथीदारांची नावेही सांगितल्यानंतर आरोपी नावे
जागीरनाथ बाबुनाथ नाथसफेरे (23), गोविंदनाथ कल्लूनाथ नाथसफेरे (35), सौदागर बाबुनाथ नाथसफेरे (25), विक्की मोसमनाथ नाथसफेरे (23), क्रांता मोसमनाथ नाथसफेरे (25) (सर्व रा.घेसुपुरा सफेरा बस्ती, ता. रोशनाबाद, जि. हरिद्वार, उत्तराखंड) यांना अटक करण्यात आली. आरोपींनी आणखी काहींची लूट केल्याची शक्यता आहे.

यांनी आवळल्या मुसक्या
ही कारवाई धुळे पोलिस अधीक्षक श्रीकांत धीवरे, अपर पोलिस अधीक्षक अजय देवरे, उपविभागीय पोलिस अधिकारी राजकुमार उपासे यांच्या मार्गदर्शनाखाली मोहाडी पोलिस ठाण्याच्या डॅशिंग पोलिस निरीक्षक शिल्पा गोपीचंद पाटील यांच्या नेतृत्वात पोलिस उपनिरीक्षक मोहन पाटील, हवालदार पंकज चव्हाण, मुकेश मोरे, प्रकाश जाधव, रमेश शिंदे व मनिष सोनगिरे यांच्या पथकाने केली. तपास पोलिस उपनिरीक्षक मोहन पाटील करीत आहेत.

About the Author

Editor Next Maharashtra

Editor

Next महाराष्ट्र हे एक स्वायत्त, निष्पक्ष आणि जबाबदार मराठी डिजिटल न्यूज पोर्टल आहे. आमचे ध्येय वाचकांना ताज्या, अचूक आणि सखोल बातम्या पोहोचवणे आहे – तेही प्रामाणिक, पारदर्शक आणि निःपक्ष वृत्तांकनाच्या तत्त्वांवर आधारित. आम्ही स्थानिक, राज्यस्तरीय, राष्ट्रीय तसेच आंतरराष्ट्रीय घडामोडी, राजकारण, समाज, शिक्षण, अर्थव्यवस्था, क्रीडा, संस्कृती, आणि तंत्रज्ञान या विविध क्षेत्रांतील महत्त्वाच्या बातम्या, लेख, विश्लेषण आणि विशेष मुलाखती वाचकांपर्यंत पोहोचवतो. Next महाराष्ट्र मध्ये प्रकाशित होणाऱ्या प्रत्येक बातमीचे स्त्रोत सत्यापित असतात आणि संपादकीय पातळीवर तपासूनच त्या प्रसिद्ध केल्या जातात. आम्ही वाचकांच्या विश्वासाला तडा जाऊ नये, यासाठी फेक न्यूज, दिशाभूल करणारी माहिती आणि भडकाऊ मजकूर टाळण्याचा कटाक्ष ठेवतो. आमच्या टीममध्ये अनुभवी पत्रकार, रिपोर्टर्स, फोटोग्राफर्स आणि तांत्रिक तज्ज्ञ आहेत, जे डिजिटल पत्रकारितेतील नवीनतम ट्रेंड्स आणि साधनांचा वापर करून वाचकांना सर्वोत्तम माहिती देण्याचा प्रयत्न करतात. 📌 ध्येयवाक्य: "नवा विचार, नवा प्रवाह" – बदलत्या महाराष्ट्राचा आरसा. -------- संपर्क माहिती ईमेल: editor@nextmaharashtra.com फोन: +919823448544 पत्ता: [जळगाव ] सोशल मीडिया: [Facebook, Twitter, Instagram लिंक्स]

View All Posts