एलआयसीच्या (LIC) अधिकृत वेबसाइट
licindia.in वर जाऊन १६ ऑगस्टपासून करा अर्ज
मुंबई: भारतीय आयुर्विमा महामंडळात (LIC) नोकरी करण्याचे स्वप्न पहाणार्या तरुणांसाठी एक मोठी संधी चालून आली आहे. एलआयसीने सहाय्यक प्रशासकीय अधिकारी (AAO) आणि सहाय्यक अभियंता (AE) अशा एकूण ८४१ पदांसाठी भरती प्रक्रिया २०२५ ची अधिसूचना जाहीर केली आहे. पात्र आणि इच्छुक उमेदवार एलआयसीच्या (LIC) अधिकृत वेबसाइट licindia.in वर जाऊन १६ ऑगस्टपासून अर्ज करू शकतात.
सरकारी क्षेत्रात स्थिर करिअरच्या शोधात असलेल्या पदवीधर आणि अभियंत्यांसाठी ही एक मोठी संधी मानली जात आहे. इच्छुक उमेदवारांनी अर्ज करण्यापूर्वी अधिकृत अधिसूचना काळजीपूर्वक वाचावी आणि शेवटच्या क्षणी होणारी धावपळ टाळण्यासाठी वेळेत अर्ज प्रक्रिया पूर्ण करावी.
ही भरती मोहीम संस्थेतील ८४१ रिक्त पदे भरण्यासाठी राबविण्यात येत आहे. अर्ज करण्याची प्रक्रिया १६ ऑगस्ट २०२५ रोजी सुरू झाली असून, ती ८ सप्टेंबर २०२५ पर्यंत चालणार आहे. या भरतीसंबंधी पात्रता, निवड प्रक्रिया आणि इतर महत्त्वाचे तपशील खालीलप्रमाणे आहेत.
पदांचा तपशील (Vacancy Details)
या भरती मोहिमेअंतर्गत एकूण ८४१ पदांवर नियुक्ती केली जाणार आहे, यामध्ये सहाय्यक अभियंता (Assistant Engineers): ८१ पदे, सहाय्यक प्रशासकीय अधिकारी (AAO – स्पेशलिस्ट): ४१० पदे, सहाय्यक प्रशासकीय अधिकारी (AAO – जनरलिस्ट): ३५० पदे
पात्रता निकष आणि अर्ज शुल्क
पात्रता (Eligibility Criteria)
वरील नमूद केलेल्या पदांसाठी अर्ज करू इच्छिणाऱ्या उमेदवारांनी शैक्षणिक पात्रता आणि वयोमर्यादेची सविस्तर माहिती अधिकृत अधिसूचनेमध्ये काळजीपूर्वक वाचावी. प्रत्येक पदासाठी आवश्यक असलेली पात्रता वेगवेगळी असू शकते.
अर्ज शुल्क (Application Fee):
SC/ST/PwBD प्रवर्गातील उमेदवारांसाठी अर्ज शुल्क ८५ रु./- + व्यवहार शुल्क (Transaction Charges) + GST असेल.
इतर सर्व प्रवर्गातील उमेदवारांसाठी अर्ज शुल्क ७०० रु./- + व्यवहार शुल्क (Transaction Charges) + GST असेल.
निवड प्रक्रिया (Selection Process)
सहाय्यक प्रशासकीय अधिकारी आणि सहाय्यक अभियंता पदांसाठी निवड प्रक्रिया मुख्यत्वे तीन टप्प्यांत पार पडेल.
पूर्व परीक्षा (Preliminary Exam): ही एक प्राथमिक चाळणी परीक्षा असेल.
मुख्य परीक्षा (Mains Exam): पूर्व परीक्षेत पात्र ठरलेल्या उमेदवारांना मुख्य परीक्षेसाठी बोलावले जाईल.
मुलाखत (Interview): मुख्य परीक्षेत मिळालेल्या गुणांच्या आधारे उमेदवारांना मुलाखतीसाठी निवडले जाईल.
या’ गुणांच्या आधारे अंतिम यादी जाहीर होणार?
हे लक्षात घेणे महत्त्वाचे आहे की पूर्व परीक्षेतील गुण अंतिम गुणवत्ता यादी तयार करण्यासाठी ग्राह्य धरले जाणार नाहीत. केवळ मुख्य परीक्षा आणि मुलाखतीत मिळालेल्या गुणांच्या आधारावर उमेदवारांची अंतिम निवड यादी तयार केली जाईल. निवड झालेल्या उमेदवारांची त्यानंतर पूर्व-भरती वैद्यकीय तपासणी (Pre-recruitment Medical examination) केली जाईल.
About the Author
