आता फक्त ५आणि १८ टक्केचा स्लॅब, जीवनावश्यक वस्तू आणि आरोगविमा स्वस्त होणार, 22 सप्टेंबर, म्हणजे घटस्थापनेचा मुहूर्त
नवी दिल्ली : (GST Slabs and New Rates) जीएसटी कौन्सिलच्या 56 व्या बैठकीत अनेक महत्त्वाचे निर्णय घेण्यात आले आहेत, ज्याचा थेट परिणाम दैनंदिन वापराच्या वस्तूंवर तसेच महागड्या वस्तूंवर होईल. GST मधील दोन मोठे टॅक्स दर रद्द केल्यानंतर आता किराणा सामान, औषधे, सिमेंट आणि छोटी वाहने स्वस्त होतील. सरकारच्या या पावलामुळे महागाईच्या आघाडीवर सामान्य माणसाला मोठा दिलासा मिळेल.
बुधवारी रात्री उशिरा अर्थमंत्री निर्मला सीतारामन यांनी आता फक्त दोन जीएसटी स्लॅब असतील, जे 5% आणि 18% असतील, अशी घोषणा केली.
केंद्रीय अर्थमंत्र्यांनी म्हटले की सध्याची रचना सोपी करण्यासाठी नवरात्रीच्या पहिल्या दिवस म्हणजेच 22 सप्टेंबरपासून दोन स्लॅब लागू केले जातील. यामुळे सुमारे 175 वस्तू स्वस्त होतील. त्याचवेळी, आरोग्य आणि जीवन विम्यावरील जीएसटी देखील रद्द करण्यात आला आहे.
दैनंदिन वस्तू स्वस्त, लक्झरी गोष्टी महागल्या
जीएसटी कौन्सिलच्या 56 व्या बैठकीत घेतलेल्या निर्णयानंतर आता किराणा सामान, औषधे, सिमेंट आणि लहान वाहने स्वस्त होतील. दुसरीकडे तंबाखू, शीतपेये आणि लक्झरी कारवरील कर वाढल्याने हे पूर्वीपेक्षा महाग होतील. म्हणजे, एकीकडे सरकारने जीवनावश्यक वस्तूंवर दिलासादायक घोषणा केली आहे पण, हानिकारक आणि लक्झरी वस्तू खरेदीसाठी खिशावर पूर्वीपेक्षा जास्त रिकामा करावा लागणार आहे.
कोणत्या वस्तूंवरील जीएसटी कमी होणार?
जीएसटी कौन्सिलच्या बैठकीनंतर अनेक दैनंदिन वस्तूंवर मोठी कर सवलत देण्यात आली आहे. यानुसार आता दूध, चीज, पराठा, पिझ्झा ब्रेड, खाखरा आणि रोटीवर एक रुपायही जीएसटी आकारला जाणार नाही तर बटर, तूप, जाम, सॉस, सूप, पास्ता, नमकीन आणि मिठाई यासारख्या वस्तूंवरील कर 5% पर्यंत कमी होईल, जो याआधी 12 ते 18% होता. त्याचवेळी, आता बदाम, पिस्ता, काजू तसेच खजूर आणि लिंबूवर्गीय फळे यासारख्या सुका मेवावर ५ टक्के जीएसटी राहील.
आरोग्य क्षेत्राला दिलासा
GST मध्ये आरोग्य क्षेत्रालाही मोठी सवलत देण्यात आली आहे. आता अॅगाल्सिडेस बीटा, ओनासेम्नोजेन, डारातुमुमॅब आणि अॅलेक्टिनिब सारख्या जीवनरक्षक औषधांवर कोणताही कर लागणार नाही. बहुतेक औषधे, वैद्यकीय उपकरणे, डायग्नोस्टिक किट, बँडेज, थर्मामीटर आणि ऑक्सिजनवरील GST फक्त 5% पर्यंत कमी करण्यात आला आहे, तर पूर्वी यावर 12 ते 28% कर भरावा लागत होता.
पर्सनल केअर अन् घरगुती वस्तूंवर सवलत
तसेच आता सणासुदीच्या दिवसापासून तुम्हाला दैनंदिन जीवनात वापरल्या जाणाऱ्या अनेक पर्सनल केअर आणि घरगुती वस्तूंवर कमी जीएसटी भरावा लागेल. केसांचे तेल, शाम्पू, टूथपेस्ट, साबण, शेव्हिंग आयटम, टॅल्क पावडर, टूथब्रश, मेणबत्त्या आणि आगपेट्यांवरील जीएसटी 5% पर्यंत कमी करण्यात आला असून नोटबुक, पेन्सिल, शार्पनर आणि इरेजर सारख्या स्टेशनरी देखील स्वस्त होतील. याशिवाय, बांबू-छडीपासून बनवलेले खेळणी, क्रीडा साहित्य, हस्तकला आणि फर्निचर देखील आता स्वस्त होतील.
वाहतूक आणि गृहनिर्माण
ट्रान्सपोर्ट किंवा वाहतूक आणि घरबांधणीशी संबंधित गोष्टींवरही जीएसटीमध्ये सवलत जाहीर झाली आहे. आता सिमेंटवरील कर 28% वरून 18& पर्यंत कमी होईल तर ट्रॅक्टर, सायकली, 350CC पेक्षा कमी बाईक, लहान कार (1200-1500 सीसी पर्यंत, 4 मीटरपेक्षा कमी लांबी), इलेक्ट्रिक आणि हायब्रिड वाहने आणि रुग्णवाहिका यांच्यावरही पूर्वीपेक्षा कमी कर आकारला जाईल. त्याचवेळी, संगमरवरी, ग्रॅनाइट ब्लॉक आणि कण बोर्डसारख्या पिकांच्या अवशेषांपासून बनवलेल्या पर्यावरणपूरक बांधकाम साहित्यावर फक्त 5% जीएसटी भरावा लागेल.
कोणत्या वस्तूंवर 0 GST
1. अति-उच्च तापमानाचे दूध
2. खवा
3. पनीर
4. वैयक्तिक विमा पॉलिसी
5. आरोग्य विमा पॉलिसी
6. केसांचे तेल
7. शौचालय साबण
8. साबणाची वडी
9. शॅम्पू
10. टूथब्रश
11. टूथपेस्ट
12. सायकल
13. टेबलवेअर
14. स्वयंपाकघरातील भांडी आणि इतर घरगुती वस्तू
About the Author
