यंदा आक्टोबर हीट नाही, सरासरीपेक्षा कोसळेल अधिकचा पाऊस !

October weather report : हवामान विभागाने जाहीर केला ऑक्टोबर महिन्यातील अंदाज

पुणे : राज्यभरात पावसाने घातलेले थैमान हळूहळू ओसरत आहे. पूरस्थितीही आटोक्यात येत आहे.. दरम्यान, ऑक्टोबर महिन्यात हवामान कसे राहिल याचा अंदाज भारतीय हवामान विभागाने जाहीर केला आहे. ऑक्टोबर महिन्यात नेहमी जाणवणारे उन्हाचे चटके (October Heat) यंदा बसणार नाहीत असे आयएमडीने म्हटले आहे. ऑक्टोबर महिन्यातही सरासरीच्या तुलनेत अधिक पावसाचा इशारा हवामान खात्याने दिला आहे.

यंदा नेहमीपेक्षा आठवडाभर आधीच दाखल झालेल्या नैऋत्य मोसमी पावसाने आपला मुक्कामही जरा जास्तच लांबवलाय. सप्टेंबरमध्ये पावसाने आपले रौद्ररूप दाखवले असले तरी वारंवार होणारी पूर सदृश स्थिती, भूकंपाच्या घटना, अतिवृष्टी अशा कितीतरी घटना निसर्गाचं चक्र फिरल्याचीच जाणीव करून देणाऱ्या आहेत

हवामान विभागाने काय सांगितले?

भारतीय हवामान विभागाने यंदा ऑक्टोबर महिन्याचा अंदाज जाहीर केला असून नेहमीप्रमाणे जाणवणारे उष्णतेचे चटके यंदा ऑक्टोबर मध्ये राहणार नाहीत. यंदा राज्यभर ऑक्टोबर महिन्यात सरासरीच्या तुलनेत अधिक पावसाचा इशारा देण्यात आला आहे. ऑक्टोबरमध्ये कोकण, मध्य महाराष्ट्रात सरासरीपेक्षा जास्त पाऊस पडण्याची शक्यता आहे.

देशात जून ते सप्टेंबर दरम्यान सरासरी पावसाच्या 108% पावसाची नोंद झाली आहे. मराठवाड्यात या चार महिन्यांमध्ये सरासरीपेक्षा 139% पाऊस झाला. तर ऑगस्ट आणि सप्टेंबर महिन्यात सरासरीपेक्षा अधिक पावसाची नोंद झाली. एकट्या सप्टेंबर महिन्यात मराठवाड्यात सरासरीच्या 215 टक्के तर ऑगस्ट महिन्यात 169 टक्के एवढा पाऊस झाल्याचं हवामान विभागाने सांगितला आहे.

ऑक्टोबर हिट कशामुळे निर्माण होते?

नैऋत्य मान्सूनचा परतीच्या प्रवासात आकाश हे बहुतांश निरभ्र असते. त्यामुळे तापमानात सुमारे 30 ते 35 अंश सेल्सिअस वाढ होते. ऑक्टोबर महिन्यात माती आणि जमीन ओलसर असते. दिवसा हवामान उष्ण आणि दमट असते आणि रात्री थंड असते. परतीच्या पावसामुळे तापमान वाढते आणि आर्द्रता कमी होते. त्यामुळे ऑक्टोबर महिन्यात उष्णतेचे चटके बसतात. ऑक्टोबर आणि नोव्हेंबर मध्ये सूर्यदक्षिणेकडे सरकत असतो. त्यामुळे उत्तरेकडील मैदानांवर कमी दाबाचा पट्टा कमकुवत होतो. त्यामुळे ऑक्टोबर हिट जाणवते. परंतु यंदा संपूर्ण सप्टेंबर महिन्यात अतिवृष्टी नोंदवण्यात आल्याने ऑक्टोबर हिट चे चटके जाणवणार नसल्याचं व हवामान विभागाने सांगितलं आहे. देशभरात जून ते सप्टेंबर दरम्यान सरासरीच्या 108% पाऊस झाला असून मराठवाड्यात या चार महिन्यांमध्ये सरासरीपेक्षा 139 टक्के तर एकट्या सप्टेंबर महिन्यात सरासरीच्या 215 टक्के पाऊस पडल्याचं हवामान खात्याने सांगितलं.

About the Author

Editor Next Maharashtra

Editor

Next महाराष्ट्र हे एक स्वायत्त, निष्पक्ष आणि जबाबदार मराठी डिजिटल न्यूज पोर्टल आहे. आमचे ध्येय वाचकांना ताज्या, अचूक आणि सखोल बातम्या पोहोचवणे आहे – तेही प्रामाणिक, पारदर्शक आणि निःपक्ष वृत्तांकनाच्या तत्त्वांवर आधारित. आम्ही स्थानिक, राज्यस्तरीय, राष्ट्रीय तसेच आंतरराष्ट्रीय घडामोडी, राजकारण, समाज, शिक्षण, अर्थव्यवस्था, क्रीडा, संस्कृती, आणि तंत्रज्ञान या विविध क्षेत्रांतील महत्त्वाच्या बातम्या, लेख, विश्लेषण आणि विशेष मुलाखती वाचकांपर्यंत पोहोचवतो. Next महाराष्ट्र मध्ये प्रकाशित होणाऱ्या प्रत्येक बातमीचे स्त्रोत सत्यापित असतात आणि संपादकीय पातळीवर तपासूनच त्या प्रसिद्ध केल्या जातात. आम्ही वाचकांच्या विश्वासाला तडा जाऊ नये, यासाठी फेक न्यूज, दिशाभूल करणारी माहिती आणि भडकाऊ मजकूर टाळण्याचा कटाक्ष ठेवतो. आमच्या टीममध्ये अनुभवी पत्रकार, रिपोर्टर्स, फोटोग्राफर्स आणि तांत्रिक तज्ज्ञ आहेत, जे डिजिटल पत्रकारितेतील नवीनतम ट्रेंड्स आणि साधनांचा वापर करून वाचकांना सर्वोत्तम माहिती देण्याचा प्रयत्न करतात. 📌 ध्येयवाक्य: "नवा विचार, नवा प्रवाह" – बदलत्या महाराष्ट्राचा आरसा. -------- संपर्क माहिती ईमेल: editor@nextmaharashtra.com फोन: +919823448544 पत्ता: [जळगाव ] सोशल मीडिया: [Facebook, Twitter, Instagram लिंक्स]

View All Posts